À spantic’ore
Ci Simu

Ci Simu

Canterine incu bellu leccu

O cantadori in cumpulotti

Fiume chi mai ne serà seccu

Tra ricuccate, fateci motti

Pittori, anfarti è teatrini

Scultori di tutte e mamme

Sunadori di cetere o viulini

Sentimu qui le vostre brame

Chi vultata c’emu à Ci Simu

Puru si più c’hè in libraria

Ùn ci vole à pensà cun c’hè più nimu

S’ellu ùn hè in vista in scanceria

Vechje u tempu di e rutative

Di l’inchjostri in stamperia

Micca u fattu di scrive

Annantu so chi si deveria

So chi capeta è l’attese

Da farci capace di e mostre

Di i mireti è di l’imprese

Di creazioni è chi so vostre

Ne simu a screni, tutti à schiere

U mondu d’oghje in stu campà

Quantu che Cristu in e tribbiere

Ne socu eo à inciampà

Ma voi tutti incu di i firmi

Attrice è tutti l’artisti

Vi puntu cusi cun i mio inzirmi

Sonu di cornu, vi ne site avvisti

Scuprimu qui so chi ghjè novu

Torna Ci Simu incu internetta

Tutti li mesi c’hè stu ritrovu

Fattevi sapè à mea hè detta

Cisariu Raffini


Photos ci simu









Laissez un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

error: Ce contenu est protégé par les droits d\\\\\\\'auteur !!