Anima’incantu
Da l’amicizia à l’impegnu

Anima’incantu Da l’amicizia à l’impegnu

Luntana da u centru di a Corsica, luntana da i lochi detti è cunnisciuti cume orti di cultura, di lingua, di cantu, è di puesia, a Cunfraterna di Santa Croce in San fiurenzu, à orlu à mare, Paese oghje chì campa sopratuttu secondu e calende turistiche, ma ùn hè micca sempre stata cusì, è cum’ellu dice u pruverbiu « dopu cent’anni è centu mesi, l’acqua torna à i so paesi »

Ghj’hè cusì ch’ell’hà ripigliatu vita a fiacula di a passione … un bellu di Maghju 2008, a Cunfraterna di Santa Croce, una manata di giuvanotti, amichi da zitelli è impignati di stintu, di vuluntà, di passione, è di sete di scopre è d’amparà, a Cunfraterna di San Martinu, vicina è amica hè stata d’un grande sustegnu è à ghjucatu assai inde a tramandera di i canti, i versi, a ricerca hè stata parechje volte cumuna, è e Ceremonie dinu, e feste Patrunale si facianu inseme, fin’à chi pocu à pocu Santa Croce pigli u so volu.

« Cumunita Cristiana cumposta da làichi, paisani è furesteri, a Cunfraterna s’industrieghja à oppone à e prublematiche infattate una lea suciale è umana in u spiritu di e Sante Scritture. » R GIORGI

« I scopi so parechji, tesse è turnà à tesse di piu, lea suciale trà l’abitanti di u paese, porghje sempre una manu versu quelli chì sò inde u bisognu, mà dinù batte à prò di a tramandera di u Cantu sacru di a tradizione San Fiurenzinca è fà usu sodu di a lingua Corsa. »

Oghje sò 33 cunfratelli à avè pigliatu l’abitu, 5 nuvizii sò previsti pè stu veranu, cunfraterna mesta, Santa Croce festighjeghja à Sant’Anna, Patrona di San Fiurenzu, Sant’Eramu Patrone di i piscatori, festighjatu u 2 ghjuniu , è ùn ci scurdemu di a settimana Santa chi un manca d’esse un tempu forte di Fede di spartera è di preghera.

Longa è bella strada à a cunfraterna di Santa Croce, chi i so canti facinu ribumbà e volte di e nostre Chjese, è ch’ella campi a passione chi i intreccia.

Anghjula Potentini    crédit photos: castalibre









Laissez un commentaire

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

error: Ce contenu est protégé par les droits d\\\\\\\'auteur !!